Perspektiva e Fondit Sovran të Republikës së Kosovës

Ngjarja, e cila u ndoq nga anëtarë të shoqërisë civile, anëtarë të kuvendit të Komunës së Gjakovës, ekspertë të ekonomisë lokale dhe anëtarë të tjerë të komunitetit, synoi të ofrojë një kuptim të gjithanshëm të objektivave të fondit, implikimeve legjislative dhe ndikimit të mundshëm ekonomik. Panelistët Emanuel Bajra, Emrush Ujkani dhe Gent Nushi diskutuan objektivat, qëllimin dhe implikimet e mundshme të Fondit Sovran në ekonominë e Kosovës. Ata theksuan rëndësinë e një politike të gjerë reformuese që përfshin potencialet për zhvillimin e ekonomisë lokale duke shfrytëzuar asetet shtetërore të vendosura në komunën e Gjakovës dhe përfitimet e ardhshme për komunitetin më të gjerë.

Angazhimi i vazhdueshëm për mbështetjen e dialogut dhe seancave informuese mbi vendimet që formojnë peizazhin ekonomik të vendit është thelbësor. Kjo përpjekje kolektive siguron që përfitimet e politikave ekonomike të maksimizohen për mirëqenien e të gjithë qytetarëve.