01.04.2025

Friedrich Ebert Stiftung zyrja në Prishtinë ka hapur thirrjen për aplikim për gjeneratën e 15-të të Akademisë Politike

Cka është Akademia Politike?

Akademia Politike kombinon edukimin politik dhe trajnimin praktik në një numër disiplinash. Qëllimi i saj është edukimi dhe trajnimi i të rinjëve përmes ideve progresive dhe vizionit progresiv të bazuar në vlerat si: liria, drejtësia shoqërore, solidariteti, barazia dhe antidiskriminimi.

 

Cili është formati i Akademisë Politike?

Akademisa Politike organizohet në tri faza:

Java kryesore e Akademisë, që këtë vit do të mbahet nga 24.05.2025 deri më 30.05.2025;

Hulumtimi dhe puna kërkimore e pjesëmarrësve;

Prezantimi, diskutimi dhe publikimi i punës së pjesëmarrësve nga FES.

 

Kushtet për aplikim

Të interesuarit për të aplikuar për të ndjekur Akademinë Politike duhet t’i plotësojnë kriterët si në vijim:

Të jetë qytetar i Republikës së Kosovës, i moshës 20-35 vjeç;

Të jetë në përfundim të studimeve apo aktiv në jetën publike në Kosovë (shoqëri civile, institucione publike, sektor privat, media, parti politike etj.);

Të identifikohet me vlerat si liria, drejtësia shoqërore, solidariteti, barazia dhe antidiskriminimi;

Të ketë njohuri themelore për shkencat shoqërore dhe politike;

Të ketë ambicie për të qenë aktiv në jetën shoqërore dhe politike;

Të ketë njohuri të avancuar të gjuhës angleze (në të folur dhe në të shkruar).

 

Si mund të aplikoj?

Për të aplikuar për gjeneratën e 15-të të Akademisë Politike, ju duhet të plotësoni formën e aplikimit në linkun e mëposhtëm go.microsoft.com/fwlink/p/

 

Thirrja për aplikim është e hapur deri më 6 Prill 2025.

 

Friedrich-Ebert-Stiftung 
Kosovo

Rr. Pashko Vasa 23
10000 Prishtinë
Republika e Kosovës

+381 (0) 38 600 108
kosovo(at)fes.de